Jab me chota tha shayad duniya Bahot badi hua karti thi mujhey yaad hai mere ghar se school tak Ka vo rasta kya kya nahi tha waha chaat ke thele, jalebi ki dukaan, barf k gole, sab kuch.. Ab waha Mobile shop Video game parlour hai Phir bhi Sab soona hai.. Shayad Ab duniya Simat rahi hai . . . jab me chota tha shayad shame bahot lambi hua karti thi.. main haath me patang ki dor pakade ghanto uda karta tha Wo lambi Cycle race wo bachpan ke khel wo har shaam thak ke choor ho jaana Ab shaam nahi hoti Din dhalta hai aur Seedhe raat ho jaati hai Shayad waqt simat raha hai.. Jab me chota tha, shayad dosti bahot gehri hua karti thi Din bhar wo hujoom banakar khelna wo dosto ke ghar ka khana Wo ladkiyo ki batein Wo Saath rona.. Ab bhi mere kai dost hai, par dosti jaane kaha hai.. jab bhi "traffic signal" Par milte hai "Hi" ho jaati hai, Aur apne apne raaste chal dete hai Holi diwali, janmdin naye saal par Bus sms aa jaata hai Shayad ab rishte Badal rahe hai.. Jab me chota tha, tab khel bhi ajeeb hua karte the, chuppan chupaai, langdi taang kho kho Tippi tippi taap ab internet, office, Se fursat nahi milti.. Shayad zindagi badal rahi hai. . . Zindagi ka sabse bada sach yahi hai.. jo aksar kabristan k bahar board par likha hota hai.. "Manzil toh yahi thi, bus zindagi guzar gyi meri yaha aate aate.." . Zindagi ka lamha bahot chota sa hai.. Kal ki koi buniyad nahi hai aur aane wala kall sirf sapne me hi hai.. Ab bach gye is pall me.. Tamannao se bhare is zindagi me hum sirf bhaag rahe hai. Kuch raftaar dhimi karo, mere dost Aur is zindagi ko jiyo.. khoob jiyo mere dost..