Duniya ko hum tabhi samajh payenge jab khud ke ghere se bahar aayenge:Ek baar bahut dhani aadmi ek mahatma ke paas gya,aur unse puchne laga,mujhe apne jeevan me kya karna chahiye?Mahatma muskuraye aur use apne kamre ki khidki ki taraf le gaye,iske baad Mahatma ne aadmi se pucha,tumhe khidki ke kaanch ke peeche kya dikh raha hai?aadmi ne kha,sadak par log aa ja rahe hai aur ek vayakti bhik maang raha hai,iske baad Mahatma ne ek bada darpan dikhaya,aur pucha is darpan me kya dekhte ho,aadmi ne kha isme main khud ko dekh raha hoo,Mahatma ne kha darpan me tum dusro ko nahi dekh sakte.tum jante ho khidki me laga kaanch aur ye darpan ek hi mool padaarth se bane hai,ab tu khud ki tulna in kaanch ke dono rupo se karke dekho.jab ye sadharan hai to tumhe sabhi dikhaai dete hai,jab is kaanch par chaandi ka lep ho jata hai,to tum keval khud ko dekhte ho.tumhara jeevan bhi tabhi mahatavpooran hai,jab tum apni aankho par lagi chandi ki parat utaar do.isse tum duniya ko acchi tarah se samajh paaoge aur unse parem kar paaoge