Tujh se terre koochey se agar door hue hain.. Deewane tere aur bhi mashoor hue hain.. Tum apni jafaoun ki ise jeet na samjho.. Hum ishq ke aadaab se majboor hue hain.. Behte hue ashkoun ko hiqarat se nah dekho.. Jab bhi sar-e-mishgaan yeh ruke toor hue hain.. Chaho to humain aaj bhi suli pe charha do.. Kuch loog to har dour main mansoor hue hain.. Har jashan-e-masarat pe nikal aye hain aansoo.. Har gham se gale mil ke bhi masroor hue hain.. Kaantoun ki murrawat ne kahin saath na chorha.. Phooloun ki mulaqaat se ranjoor huehain.. Har sang-e-malamat se mulaqaat hui hai hum jab se tere shaher main mashoor hue hain.. Lou shama-e-mohabbat ki RAIS aur barha do.. Aiwan-e-wafa sunte hain be noor hue hain..