ava Smarty: What is the national flower of Austria? (9 chars)
ava Maryam: Rupee
ava Smarty: Well done, 5 pluses to Maryam for the correct answer.
ava
Har ek copy ke peeche, Kuch na Kuch Khaas likha hai,

Bas Is tarah tere mere Ishq ka itihaas likha hai,

Tu Duniya main chahe jahan bhi rahe,

Apni diary mei maine tujhe pass rakha hai.
(09:23) Sat, 19 Jan 19
ava
"Bahot Hua Ruhani Ishq"

Bohut hua Ruhaani Ishq ab ke to milna hai tumse,
Gazalein nahi likhni hai chhuna hai tumko

Wo hazar baar ke padhe hue Khat ek aur baar nahi padhne hai mujhe,

Mujhe apni Ungliya tumhari Hateli pe chahiye…
Chum lena hai Maatha tumhara, Seene se laga lena hai tumko. Baaho mein bhar lena hai..
Bohot hua Ruhaani Ishq ab ke to milna hai tumse…

Aur phone pe to bilkul baat nahi karni hai,
Par tumhare kaano par se baal hataana hai aur ek chhotisi baali pehna dena hai tumko.

Bicchiya, Payal, Bindi sab kuch apne haato se pehnana hai..
Ab Khushbu Mehsoos nahi karni hai tumhari…
Bass palko ko band hote hue aur khulte dekhna hai,

Kuch kaam batana hai tumko,
Fir tumhare utthkar jaane par kalaai se pakadkar baitha dena hai tumko,
Bohot hua Ruhaani Ishq ab ke to milna hai tumse…
(05:13) Mon, 21 Jan 19
ava
Quote: Shush14: Lagta hai aaj zindagi khafa hai,

Chaliye choriye kon si pehli dafa hai..
kya hua
(14:21) Sun, 20 Jan 19
ava
Quote: Shush14:

Thanks jaqui smiley
.missed you
. its good to have you back
(22:39) Sat, 19 Jan 19
ava
Quote: jaQui: Welcome back !!!


Thanks jaqui smiley
(19:37) Sat, 19 Jan 19
ava
Welcome back !!!
(12:56) Sat, 19 Jan 19
ava
Lagta hai aaj zindagi khafa hai,

Chaliye choriye kon si pehli dafa hai..
(10:46) Sat, 19 Jan 19
ava
Ab Wo Aag Na Rahi


Ab wo aag nahi rahi, na Sholo jaisa dehekta hoon,

Rang bhi sab ke jaisa hai, sabsa hi to Mehekta hoon…

Ek arse se hoon thhame Kashti ko Bhavar mein,

Toofaan se bhi jyada Saahil se Siharta hoon…”
(10:45) Sat, 19 Jan 19
ava
"Meri Daastaan Sunana"


Mera sab bura bhi kehna,

Par acha bhi sab batana.

Mai jau duniya se toh sabko

Meri dastaan sunana

Yeh bhi Batana Ki kaise

Samandar jeetne se pehle,

Mai na jaane kitni choti-choti nadiyon se

Hazaaron bar haara tha.

Woh ghar woh zameen dikhana,

Koi magrur bhi kahega toh tum

Usko shuruwat meri batana.

Batana safar ki dushwariya meri,

Taki koi jo meri jaisi zameen se aaye

Uske liye nadi ki haar choti hi rahe.

Samandar jeetne ka khawab

Uske dil aur dimag se na jaaye.

Par unse meri galatiya bhi mat chupana.

Koi puche toh bata dena ki

Mai kiss darje ka nakara tha.

Keh dena ki jhoota tha mai,

Batana ki kaise

Zarurat par kaam na aa saka.

Wade kiye par nibha na saka.

Intqaam saare poore kiye

Par ishq adhura rehne diya.

Bata dena sabko ki,

Mai matlabi bada tha.

Har bade mukaam pe

Tanha hi mai khada tha.

Mera Sab bura bhi kehna,

Par aacha bhi sab batana.

Mai jau duniya se toh sabko

Meri dastaan sunana.”
(10:44) Sat, 19 Jan 19
ava
Ishq ka hasil aur jama

6 Hair bands.
4 alag alag tarah ki baalon wali Clips. 
Woh... uss din jo sandal tuti thi tumhari, Uska Ek strap.
Aur haan Woh kitaab jiske panne mod kar diye they tumne.

Sambhal rakha hai maine sab, 
Jab aaogi toh le jaana.

Waise chote bade mila kar,
kuch 23 kapde bhi pade hai tumahre. 
Unme se, kuch me tum bala ki haseen lagi. 
Jaise woh red wala top aur black wali dress.
Woh baby pink crop top aur woh green jump suit.

Sab yahin pada hai. 
Toh mai bas yeh keh raha tha ki 
kharid lena na waisa sa hi kuch kahi se..
kyunki,
Sach kahu toh Lautane ka Dil nahi karta mera.

Nahi Nahi Mazak kar raha hoon,
Sambhal rakha hai maine sab, 
Jab aaogi toh le jaana.

Waise kuch hisab bhi dena tha tumko,

Jo tumhari meri tasveer wala,
Coffee mug diya tha tumne. 
Uska handle tut gaya hai mujhse.
Blue wali shirt bhi pichle 2 hafton, se mil nahi rahi hai kahin par.
Aur.. 
Perfume khatam ho gaya hai. 
Ghadi khoyi nahi hai par band ho gayi thi. 
Isliye utar rakhi hai, bas bata raha hoon tumhe. 

Woh Green wali check shirt dhobi ne jala di. 
Woodland wale joote Sam le gaya.
tumhare diye Earphones aur Chashma, 
ek din kahi par jaldbaazi me chhut gaye. 
bahut dhunda, nahi mile.

Par

Woh sukha hua Gulaab ke phoolo ka guladasta.
Tumhari lipstick ke nishaan wala paper cup. 
Woh tissue paper jis par tumne number likh kar diya tha, 
tumhari car parking ki parchiya.
Woh tute hue Clutcher ke Dono hisse. 
tumahre more pankh wale jhumke.

Aur mai....

Yeh sab kuch jo bhool gayi thi tum, 
ya shayad jaankar chhoda tha tumne. 

Apni jaan se bhi jayada,
Sambhal rakha hai maine sab, 
Jab aaogi toh le jaana.
(10:37) Sat, 19 Jan 19
ava
Mai Doob Raha Hoon..

Mai doob raha hoon, apne hi bhavar mein.
Roz doob raha hoon.
Mere antarmann me Hazaron sunamiya aati hai. 
Meri Atma ko apne gehre andheron me kheechti hai.
Badi darawni jagah hai woh, koi kabhi mat aana wahan.

Jahan mai.... roz doobta hoon. 
Doobta hoon, ubharta hoon, Ladta hoon khud hi se
aur
...Phir Uthkar aa jaata hoon apna tamasha le kar.

Tumse hath nahi manga kyunki 
bhavar bahut tez hai, 
bahut tez hai yeh mere jee ka bhavar. 
Mai toh doob hi raha hoon, 
tumhe sath le kar nahi doobna chahta. 
Naahi chahta ki iss sunami ka ek chhitta bhi 
kisi mere apne par pade.

Jaise mai kho raha hoon khud ko, 
waise mai tumhe nahi khona chahta.
Mere antardvand ki sabse aachi baat yeh hai
ki iss me Har roz mai hi jeet ta hoon.
Aur sabse bhayavar baat yeh ki
Mai hi hoon jo har roz apne hi aap se haar raha hoon. 
Roz haar raha hoon, lagatar haar raha hoon.

Na jeet ka koi tamga milta hai 
na haar ke ghav dikhte hai. 
bas sab kuch khali rehta hai, 
Haan yeh mai keh raha hoon..
Theek suna tumne 
Ki mai Doob raha hoon, Roz doob raha hoon.
Apne hi bhavar me.
Par
...Mai lada hoon, ladunga. 
Aaj dooba hoon, par ubhrunga aur kal...
Phir Uthkar aa jauga apna tamasha le kar.
(10:35) Sat, 19 Jan 19
ava
ME SHUNYA PE SAWAAR HU

Main Shunya pe sawaar hoon
Be adab sa mai khumar hoon
Mushkilo se mai kya darun
Mai khud keher hazaar hoon .....

Ki unch neech se pare
Majal aankh me bhare 
Mai lad pada hu raat se 
Mashaal haath me liye ...
Na surya mere sath hai..
to kya nayi ye baat hai
Wo sham ko tha dhal gya..
Wo raat se tha darr gaya

Mai jugnuo ka yaar hu 
Mai shunya pe sawar hu!!

Ki bhavnaye hai mar chuki
Samvednaye ab khatm hai
Ki ab dard se kya darun
Zindagi hi Zakhm hai.....
Mai beech rah ki maat hu 
Be chaand syaah raat hu ... 
Mai kaali ka shringaar hu
Mai shunya pe sawar hu...

Hu Raam ka sa tej mai
Lankapati sa gyaan hu
Kiski karu me aaradhana..
Sabse jo mai mahaan hu..
Bramhand ka me saar hu..
Mai jal pravaah nihaar hu..
Mai shunya par sawaar hu..

Mai shunya par sawaar hu..
(10:34) Sat, 19 Jan 19
ava

BOHOT MAASUM LADKI HAI, ISHQ KI BAAT NAHI SAMAJHTI,

NA JAANE KIS DIN MEIN KHOI REHTI HAI, MERI RAAT NAHI SAMJHTI…

HAAN, HMM, SAHI BAAT HAI…! TO KEHTI HAI,

ALFAAZ SAMAJH LETI HAI MAGAR JAZBAAT NAHI SAMJHTI…
(10:08) Sat, 19 Jan 19
ava
MERE KUCH SAWAL HAI

Mere kuch sawaal hai jo sirf Qayamat ke roj puchhunga tumse,
Kyuki uske pehle tumhari aur meri baat ho sake iss laayak nahi ho tum…

Main janana chahta hu kya raqib ke saath bhi chalte hue,
Shaam ko yunhi bekhayali main uske saath bhi kya haat takkra jaat hai kya tumhara?

Kya apni chhoti ungli se uska bhi haat thaam liya karti ho tum,
Kya waise hai jaise mera thhama karti thi…?

Kya bataadi saari bhachpan ki kahaniya tumne usko jaise mujhko raat raat bhar baith kar sunaai thi tumne…?

Kya tumne bataya usko ke 30 ke aage ki hindi ki ginti aati nahi tumko…?

Wo jo saari tasvirein tumhare papa ke saath , tumhari behen ke saath tumhari thi, jinme tum mujhe badi pyaari lagg rahi ho,
Kya use bhi dikhaadi tumne…?

Ke kuch sawaal hai jo sirf Qayamatt ke roj puchunga tumse,
Kyuki usske pehle tumhari aur meri baat ho sake iss laayak nahi ho tum…

Ke main puchhna chahta hu kya jab wo bhi ghar chhodne aata hai tumko,
To kya seedhiyo pe aankhein meenjh kar meri hi tarah uske saamne bhi maatha aage kar deti ho tum,
Waise hi jaisa mere saamne kiya karti thi…?

Kya sard raaton mein band kamro mein wo bhi meri hi tarah,
Tumhari nangi peeth par apni ungliyo se harf dar harf khudka ka naam gondta hai,
Aur tum bhi Akshar be akshar pehchaanane ki koshish karti ho kya jaise mere saath kiya karti thi…?

Ke kuch sawaal hai jo sirf Qayamatt ke roj puchunga tumse,
Kyuki usske pehle tumhari aur meri baat ho sake iss laayak nahi ho tum…
(10:03) Sat, 19 Jan 19
ava
Ki mere do chaar khwaab h jinhe me asmaan se door chahta hu..

Zingadi chahe gumnaam rahe par maut me mashoor chahta hu.
(10:02) Sat, 19 Jan 19
ava
Ash'aaron me guzri talkhiyan bani baat hi thi

Jo humpe hai guzri, humein hain yaad sab..
(10:02) Sat, 19 Jan 19