Meri saanso'n mei'n basii..
Tere pyar ki khushboo..
Beeti baatei'n yaad dilatii hai'n..

Yaad hai mujhko..
Tera Aanchal ulajh gaya tha..
Mere chehrey sey..

Meri nazrei'n teri nazro'n sey jaa milii'n..
Tu ney sharma kar ek muskurahat dii..
Aaj bhii yaad hai mujhko..

Magar mai kya karu'n..
Meri nigahei'n..
Us janib bhi uth'ti hai'n..

Maasum be-sahara bachhe..
Mazdooro'n ke..
Ek cup doodh ko tarastey hai..

Aur hamare syasi leader..
Hamarey minister..
Un ki ghareebi ka mazak kartey hai..

Unke naamo'n pe vote lekar..
Kheltey hai'n khel sayasat ka..
Swiss Bank ka account bhartey hai..

Uth'ti hai jab nazar unki janib..
Beeti batei'n gum ho jatii hai'n..
Teri yaado'n ko bhool jata hu'n..

Kiu ke..

Aur bhi Gham hai'n..
Zamaane mei'n..
Mohabbat ke siwa..